फिफा विश्वकप २०२६ अन्तर्गत अन्तिम १६ (प्रि–क्वाटरफाइनल) को समीकरण पूरा भएको छ। नकआउट चरणको अन्तिम खेलमा घानालाई पराजित गर्दै कोलम्बियाले अन्तिम १६ मा स्थान बनाएपछि प्रि–क्वाटरफाइनलका सबै खेल तय भएका हुन्।
यसपटकको विश्वकप अमेरिका, मेक्सिको र क्यानडाले संयुक्त रूपमा आयोजना गरिरहेका छन्।
नकआउट चरणबाट चार पटकको विश्वविजेता जर्मनीसहित क्रोएसिया, नेदरल्यान्ड्स, जापान, सेनेगल र नवप्रवेशी केप भर्डे प्रतियोगिताबाट बाहिरिएका छन्।
अब अन्तिम १६ मा क्यानडा र मोरक्को, पाराग्वे र फ्रान्स, अमेरिका र बेल्जियम, पोर्चुगल र स्पेन, ब्राजिल र नर्वे, मेक्सिको र इंग्ल्यान्ड, अर्जेन्टिना र इजिप्ट तथा स्विट्जरल्यान्ड र कोलम्बियाबीच प्रतिस्पर्धा हुनेछ।
प्रि–क्वाटरफाइनलको पहिलो खेल शनिबार राति नेपाली समयअनुसार १०ः४५ बजे घरेलु टोली क्यानडा र मोरक्कोबीच हुनेछ। त्यसपछि आइतबार बिहान २ः४५ बजे पाराग्वे र फ्रान्स आमनेसामने हुनेछन्।
आइतबार मध्यराति १ः४५ बजे ब्राजिल र नर्वेबीच खेल हुनेछ भने सोमबार बिहान ५ः४५ बजे मेक्सिको र इंग्ल्यान्डबीच प्रतिस्पर्धा हुनेछ।
यस्तै सोमबार राति १२ः४५ बजे पोर्चुगल र स्पेनबीच खेल हुनेछ। मंगलबार बिहान ५ः४५ बजे आयोजक अमेरिका र बेल्जियम आमनेसामने हुनेछन्।
अर्जेन्टिना र इजिप्टबीचको खेल मंगलबार राति ९ः४५ बजे हुनेछ। त्यसपछि मध्यराति १ः४५ बजे स्विट्जरल्यान्ड र कोलम्बियाबीच अन्तिम प्रि–क्वाटरफाइनल खेल खेलाइनेछ।
| मिति | खेल | समय |
|---|---|---|
| शनिबार | क्यानडा vs मोरक्को | राति १०:४५ |
| आइतबार | पाराग्वे vs फ्रान्स | बिहान २:४५ |
| आइतबार | ब्राजिल vs नर्वे | राति १:४५ |
| सोमबार | मेक्सिको vs इंग्ल्यान्ड | बिहान ५:४५ |
| सोमबार | पोर्चुगल vs स्पेन | राति १२:४५ |
| मंगलबार | अमेरिका vs बेल्जियम | बिहान ५:४५ |
| मंगलबार | अर्जेन्टिना vs इजिप्ट | राति ९:४५ |
| बुधबार | स्विट्जरल्यान्ड vs कोलम्बिया | राति १:४५ |
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
